जियालाल साह
पर्सा जिल्लाको गाविस औराहामा पर्ने सन्ठी टोलमा आगलागि हुदाँ १५ घर जलेर सखाप भएको छ ।
स्थानिय जनक पटेल कुर्मिको चुलोबाट दिउसो करिब १ बजेबाट सुरु भएको आगलागि स्थानियवासि, सशस्त्र प्रहरी, नेपाल प्रहरी र वीरगंजबाट गएको बरुण यन्त्रले दिउसो चार बजे मात्र आगो नियन्त्रणमा लिएको थियो ।
सदरमुकाम वीरगंजबाट समयमै दमकल गएपनि बाटोको समस्या र करिब २२ किलोमिटरको दुरीमा गाऊ रहेकाले आगलागिले १५ वटा घर जलेको स्थानियहरुले बताएका छन् ।
आगलागिले औराहा वडा नम्बर ४ की एकल परिवार समेत रहेकी श्रीमति देवी, ३ का स्थानिय कमलेश साह, चन्द्रीका राउत कुर्मी, कन्हैया राउत कुर्मी, राजेश राम, रामदेव राउत कुर्मी, दुखी महतो, रामेश्वर महतो, पारस साह, रेखा राउत, राममनि राउत अहिर, मुकेश महतो, मन्सी राम र विनोद महतो को घर जलेर नष्ट भएको हो । आगलागिले भर्खरै भण्डारण गरेर राखेको गहु, तोरी, आलस लगायतको अन्न बालि, जिन्सी समान, गरगहना, लताकपडा लगायतको समान जलेर सखाप भएको हो । आगलागिबाट लगभग २८ लाख भन्दा बढी समानहरु जलेर नष्ट भएको प्रहरीले अनुमान गरेको छ ।
जिल्लाको अधिंकाश ग्रामिण भेगको वस्ती वीरगंजबाट पुर्व र वीरगंजबाट टाढा रहेकाले प्रत्येक वर्ष एकै ठाउँमा आगलालि हुदाँ एक दर्जन भन्दा बढी घरहरु जलेर नष्ट हुने गर्दछन् । पटक – पटक स्थानियले पोखरीया नगरपालिकाका लागि दमकल माग गरेपनि हाल सम्म दमकल उपलब्ध नभएकोले वीरगंजबाट घटना स्थल पुग्दा सम्म घरहरु जलेर सखाप भईसकेको हुन्छन् ।
No comments
Post a Comment